“Шунхлай” групп, БНСУ-ын “GS Retail” Группийн хамтын ажиллагааны хүрээнд 2021 онд үүсгэн байгуулагдсан Дижитал Концепт ХХК нь нөхөрсөг, шинэлэг, зугаатай гэсэн зарчмуудыг өдөр тутмын үйлчилгээндээ баримталдаг GS25 ая тухтай дэлгүүрийн мастер франчайз үйлчилгээний эзэмшигч, Монгол дахь албан ёсны төлөөлөгч юм. Манай байгууллага нь GS Retail группийн 30 жилийн туршлагад суурилсан үйлчилгээний стандарт, тасралтгүй үйл ажиллагааг дэмжих дэд бүтэц, өөр хоорондоо нягт уялдаатай цогц системийг бий болгож, сургалт хөгжлийн хөтөлбөрийг боловсруулж, дэлгүүрийн үйлчилгээний соёл болон үйл ажиллагааны шинэ туршлагыг бий болгон ажилласаар байна. Мөн бид, үйлчилгээний стандартаараа Солонгос улсдаа тэргүүлэгч, GS25 сүлжээ дэлгүүрийн дэд бүтцээрээ дамжуулан хэрэгцээт бүхнийг чанарын баталгаатайгаар хотын өнцөг булан бүрд байршуулж, бизнес эрхлэгчдийг олон улсын туршлагатай холбогч “Lifestyle Platform” буюу гүүр нь болох зорилготой бөгөөд 2 жилийн хугацаанд 200+ салбартай болон өргөжиж, Улаанбаатар хотоос гадна Дархан, Эрдэнэт, Багануур, Зуунмод хотуудад шинэ хэмнэл нэмж, хотын соёлыг түгээж байгаа билээ. Дэлхий даяар олон оронд франчайзинг буюу аль нэг орон, зах зээл дээр туршигдаад, амжилт нь нотлогдсон, баталгаатай стандартыг өөр нэг газарт нутагшуулан буулгах үйл явцыг өргөнөөр ашигладаг. Солонгос дахь GS25 сүлжээ дэлгүүрүүдийн 99 хувийг буюу нийт 16 мянга 500+ дэлгүүрийг хувь хүмүүс, гэр бүлүүд франчайз эрхтэйгээр авч үйл ажиллагааг нь явуулдаг ба энэхүү жишгийн дагуу DC-чүүд бид 2024 оны эхний хагасаас эхлэн GS25 дэлгүүрийг эзэмших эсвэл өөрийн дэлгүүрийг GS25 болгон хувиргах боломжийг хүн, бизнес бүрд нээлттэй болгохыг зорин ажиллаж байна.