Харилцаа холбоо
Хэвлэл мэдээлэл
Медиа Групп ХХК
Медиа Групп ХХК нь хэвлэл мэдээлэл, контент үйлдвэрлэлийн чиглэлээр цогц үйл ажиллагаа явуулдаг медиа компани юм. Медиа Групп ХХК-ийн бүрэлдэхүүнд:
- Монголын тэргүүлэх телевизүүдийн нэг NTV
- Үндэсний өв соёл, уламжлал зан заншлыг түгээгч Орон Нутаг телевиз
- Кино, контент үйлдвэрлэлийн тэргүүлэгч продакшн Orange Entertainment
- Мэдээллийн TIME.MN вебсайт
- FM 107/83.3 радио
- Олон нийттэй харилцах чиглэлээр үйл ажиллагаа явуулдаг Паблик Медиа ХХК зэрэг хэвлэл мэдээллийн сувгууд, контент үйлдвэрлэгч нар багтдаг.
NTV телевиз: Улс орон даяар цацагддаг өргөн нэвтрүүлгийн телевиз бөгөөд өдөр тутмын мэдээ мэдээлэл, энтертайнмент чиглэлээр бүх насныханд хүрэх зорилготой ажиллаж байна.
Нийгэм, Эдийн засаг, Улс төрийн мэдээллийн чиглэлээр NTV телевиз нь хамгийн өндөр үзэлт, хандалттай сувгуудын нэг бөгөөд “Улаан бал”, “Өөр өнцөг” хэлэлцүүлэг, “Тэгээс тэг” эрэн сурвалжлах нэвтрүүлэг, “Global Talk” олон улсын тоймчийн ярилцлага зэрэг нь дэлхийд болон дотоодод өрнөж буй үйл явдлуудыг тоймлон хүргэдгээс гадна нийгэмд тулгамдаад буй олон асуудлуудыг шийдвэрлүүлэх чиглэлээр агуулгаа боловсруулж нийтлэн түгээдэг.
NTV телевиз нь өөрийн үндсэн контент, уран бүтээлүүдээс гадна албан ёсны эрхтэйгээр олон улсын өндөр зэрэглэлийн ТВ шоу, контентуудыг бүтээж үзэгчдийн хүртээл болгодог бөгөөд “Ахлах тогоочийн заавраар”, “Эхнэрийн заавраар”, “Cash Cab”, “Нууцлаг Хөргөгчний Тулаан”, эрүүл мэндийн боловсрол олгох “Вакцин Шоу”, “Эргэдэг Гал Тогоо” зэргийг дурдаж болно.
Мөн үндэсний спорт, олон улсын спорт, олипизмыг дэлгэргүүлэх үйлсэд хувь нэмрээ оруулсаар ирсэн бөгөөд 2018 оны Хөлбөмбөгийн ДАШТ, 2019 оны Сагсанбөмбөгийн ДАШТ, 2012, 2016, 2020, 2022 онуудын өвөл зуны Олимпын наадмыг тус тус шууд дамжуулж байсан. Мөн Үндэсний бөхийн барилдаан, Хурдан морьдын уралдааныг тогтмол шууд дамжуулан үзэгчдэдээ хүргэдэг.
Кино, контент үйлдвэрлэлээр сүүлийн жилүүдэд идэвхтэй үйл ажиллагаа явуулж буй “Orange Entertainment” нь үзэгчдийн мэдэх “+17”, “Search”, “Хөгжилтэй дүр”, “Жинхэнэ эрчүүд”, “Киносутра”, “Emoji”, “Boobies”цувралууд, “Фауст” драмын жүжиг, Оросын ТНТ телевизийн албан ёсны эрхтэй “Comedy Club” шоу, “Нийслэл хүүхэн” ОАК, “Bad Angel”, “Нийслэл Хүүхэн - Бал Сар”, “+17 Хоёр загал”, “Хуримын Даашинзтай Бүсгүй”, “Рэкет”, “Cool Аав”, “Бүхнээс дээгүүр”, “Хүрлээ Цогоо гуай хоёр” УСК зэргээс гадна 2023 онд “Шар гэгээ” УСК-ыг бүтээсэн нь үзэгчдээс өндөр үнэлгээ авч чадсан.