Үндэсний компани “Шунхлай” ХХК нь газрын тосны бүтээгдэхүүний импорт, хадгалалт, тээвэрлэлт, борлуулалтын үйл ажиллагаагаар дамжуулан орон даяар бүтээгдэхүүн, үйлчилгээгээ хэрэглэгчдэдээ хүргэж, эх орны хөгжил, дэвшилд хувь нэмрээ оруулж байгаа томоохон төслүүдтэй хамтран ажилласаар ирлээ.
Бид хэрэглэгч нэг бүрт хүрэх үйлчилгээгээ илүү сайжруулж, үйл ажиллагаагаа улс орны хөгжилд шинэ өнгө нэмэх, байгаль орчинд ээлтэй, нийгэм, эдийн засагт үр өгөөжөө илүүтэй өгөхөд чиглүүлж, бизнесийн болон нийтийн эрх ашгийг зохистой хослуулан ажиллаж байна.
- 1000+ Ажилтан
- 30+ жилийн туршлага
- +40 Бэлтгэн нийлүүлэгч
- 110+ Шатахуун түгээх станц
- 6+ Авто сервис
- 8+ Газрын тосны бүтээгдэхүүний агуулах
- 200+ Шатахуун тээврийн хэрэгсэл
Олон улсын Чанарын менежментийн тогтолцоо, Байгаль орчны менежментийн тогтолцоо, Хөдөлмөрийн аюулгүй байдал, Эрүүл ахуйн менежментийн тогтолцоог үйл ажиллагаандаа нэвтрүүлэн, компанийн нэгж бүрт бүтээгдэхүүн, үйлчилгээг чанарын ижил түвшинд хүргэж, ажилтнууд болон харилцагчийн эрүүл мэнд, аюулгүй ажиллагааг ханган ажиллаж байна. Түүнчлэн газрын тосны бүтээгдэхүүний агуулах, шатахуун түгээх станцад орчин үеийн, өндөр хүчин чадалтай, шинэ технологиудыг ашиглаж, төлбөр тооцооны дэвшилтэт хэлбэрүүдийг хэрэглээнд нэвтрүүлэн хэрэглэгчдэдээ үйлчилдэг.
“Шунхлай” ХХК нь нийгмийн хариуцлагаа хэрэгжүүлж жилд 150 тэрбум төгрөгөөс дээш татварыг улсын төсөвт төвлөрүүлж байна. Мөн ажилтнуудаа дэмжих тал дээр онцгой анхаарч тухайн ажилтанд шаардлагатай ур чадвар, соёл, үнэт зүйлүүдийг өгөх сургалтыг тогтмол зохион байгуулж, ажилтнаа хөгжүүлдэг. Нийгэм, олон нийтийн сайн сайханд чиглэсэн боловсрол, соёлын болон байгаль орчны олон ажлыг эхлүүлж, үр дүнг нь үзээд байна.
