Шингэн хүнсний бизнесийн бүрэлдэхүүнд лонх цуглуулах, цэвэрлэж бэлтгэхээс эхлээд архи, шар айраг, ус, ундаа, жимсний шүүс, сүү, сүүн бүтээгдэхүүний үйлдвэрлэл, тэдгээрийн түгээлт ба борлуулалтыг хамарсан нэг value chain үүсгэдэг компаниуд багтдаг.
1924 онд Монгол Улсын хүнсний үйлдвэрлэлийн эхлэл суурь болж, нэгэн зууны турш үйл ажиллагаагаа тасралтгүй явуулж буй АПУ ХК нь салбартаа манлайлахын зэрэгцээ нийгмийн сайн сайхны төлөө, байгаль эх дэлхийдээ ээлтэй хэлбэрээр, хүний хөгжлийг дээдэлсэн үйл ажиллагаа явуулж, эх орныхоо хөгжил цэцэглэлтэд өөрсдийн хувь нэмрээ оруулж яваа ууган үйлдвэрлэгч билээ.
APU Дэйри ХХК нь ISO 9001 Чанарын удирдлагын тогтолцоо болон ISO 22000, FSSC 22000 Хүнсний аюулгүй байдлын тогтолцооны баталгаажуулалтын стандартуудыг хамтад нь нэвтрүүлсэн Монголын анхны сүү, сүүн бүтээгдэхүүн үйлдвэрлэгч компани юм. Бид үйл ажиллагаандаа чанар, хүнсний аюулгүй байдлын дараах бодлогыг баримтлан хууль эрх зүйн болон хэрэглэгчийн шаардлагад бүрэн нийцсэн, хүнсний аюулгүй байдлыг 100 хувь хангасан, дээд зэргийн чанартай бүтээгдэхүүн, үйлчилгээг хэрэглэгчдэд хүргэнэ. Хүнс үйлдвэрлэлийн бүхий л үе шатанд FSSC 22000:V4, ISO 9001:2016 стандартуудын шаардлагад нийцүүлэн хөгжүүлж, байнгын сайжруулалтыг хангана.
